Shefi i grupit të Asambleistëve të Lidhjes Demokratike të Kosovës, Valon Demolli ka reaguar pas mbledhjes së Kuvendit Komunal të Komunës së Podujevës.
Ai në një postim në rrjetin social të tij, në Facebook, ka thënë se ne si parti politike nga radhët e Lidhjes Demokratike të Kosovës, kemi përkrahë çdo iniciativë të mirë për qytetarët të cilën pushteti e ka sjellë në kuvend, por që e njëjta nuk po praktikohet nga pozita.
“Si Grup i Këshilltarëve të LDK-së e kemi përkrahë çdo iniciativë të mirë për qytetarët të cilën pushteti e ka sjellë në kuvend. E njëjta nuk po praktikohet nga pozita. Edhe dje në Komitet për Politkë dhe Financa edhe sot në Kuvend janë refuzuar iniciativat tona”, ka thënë Demolli.
Ndërkaq ai shtoi se ato kishin të bëjnë me krijimin e një komisioni ad-hoc, për procesin e përzgjedhjes së përfituesve të bursave dhe mbështjetet e qytetarëve.
“Ato kishin të bëjnë me krijimin e nje komisioni ad-hoc për monitorim në procesin e përzgjedhjes së përfituesve të bursave dhe mbështetjeve tjera ku qytetarët kanë shumë ankesa. Ky refuzim i pushtetit ka ardhë për arsye se shumica e përfituesve të subvencioneve, sidomos të bursave janë familjarë të pushtetarëve”,shtoi ai.
Postimi i plotë i tij:
