Asambleisti i Lidhjes Demokratike të Kosovës dega në Podujevë, Valon Demolli, në rrjetin social Facebook të tij, ka sjellur pamje të rrugës “Skënderbeu” në qytetin e Podujevës, ku shihet se rruga është mjaft problematike për të qarkulluar.
Ai tha se në këtë rrugë janë shpenzuar hiq më pak se 1.3 milionë euro dhe se sipas tij punët janë bërë shkel e shko.
“Të nderuar qytetar, përmes kësaj video po ju sjell pamje nga rruga Skënderbeu, rrugë kjo që u shpenzuan hiq më pak se 1.3 milion euro kurse punët janë bërë shkel e shko, ku pas reshjeve të shkaktuara kohëve të fundit uji është futur nëpër bodrume të shtëpiave duke u shkaktuar dëme të shumta banorëve të cilët jetojnë në rrugën Skënderbeu. Banorët e kësaj pjese të qytetit kanë paraqit kërkesë për në Komunën e Podujevës por kërkesat e banorëve kanë hasur në vesh të shurdhër pasiqë ky pushtet nuk është i shqetësuar për kërkesat dhe nevojat e qytetarëve por për pasurim në kurriz të tyre”, tha Demolli.
Ndër të tjerash ai ftoi organet komunale që t’iu ndalin në ndihmë të prekurve nga vërshimet në Komunën e Podujevës.
“Ftoj organet komunale t’u dalin në ndihmë të prekurve nga vërshimet në gjithë komunën e Podujevës”, shtoi Demolli.
Ai shtoi se edhe nxënësit e shkollës “Ibrahim Rugova po kanë mjaft shqetësime të qarkullojnë në këtë rrugë.
“Një shqetesim i madhë janë dhe trotuaret të cilat janë në gjendje të mjerueshme. Kujtojmë se në këtë rrugë ka frekuentim të madhë edhe të nxënësve pasiqë në këtë rrugë është shkolla”Ibrahim Rugova” dhe fëmijet janë të deyruar të ecin nëpër trutuare të mbushura me dhe shpeshhere të dalin në rrugë me ç’rast rrezikohen nga veturat të cilat qarkullojne në këtë rrugë”, përfundoi ai.
Postimi i plotë i tij:
