ADVERTISEMENT
Kryetari i Komunës së Podujevës, Shpejtim Bulliqi po merr pjesë në organizimin e aktiviteteve për nder të Ditës së Dëshmorëve – 5 Majti.
Në Këtë organizim u realizua në bashkëpunim me shoqatat e dala nga lufta e UÇK-së, ku pjesë e ceremonisë ishte edhe rivarrimi i dëshmorëve në Kompleksin Memorial, Penuhë:
Fadil Talla
Haki Rekaliu
Hasan Veliu
Shaip Behrami
Rasim Zeka
Në ditën e dëshmorëve kryetari i komunës së Podujevës, Shpejtim Bulliqi, bashkë me nënkryetaren, Marigona Lahu, kryesuesin e kuvendit, Hilmi Hoxha, Komandantin e Stacionit të Policisë, Nijazi Jashari, deputetë, drejtorë dhe asamblistë komunal, shoqata të dala nga lufta e UÇK-së dhe familje të dëshmorëve kanë bërë homazhe për nder të ditës së dëshmorëve.
Pjesë e aktiviteteve të kësaj dite ishin edhe ekspozitë e hapur me fotografi të dëshmorëve në sheshin e qytetit nga ora 08:00
Homazhe: Shtatorja e katër dëshmorëve 9:00
Homazhe: Shtatorja e Ali Ajetit 9:15
Homazhe: Kompleksi Memorial “Zahir Pajaziti”- Orllan 10:00
Dhurimi i Gjakut për nder të ditës së dëshmorëve në sheshin “Ali Ajeti” 10:00-14:00
Homazhe: Kompleksi Memorial “Baza e Parë e UÇK-së”- Lladoc 10:30
Shënimi i kësaj dite u hap me ekspozitë të fotografive të dëshmorëve në shesh, për të vazhduar me vendosjen e luleve të freskëta dhe homazhe para shtatores së Katër Dëshmorëve në sheshin e qytetit, tek busti i Ali Ajetit, “Kompleksi Memorial Zahir Pajaziti” në Orllan dhe tek “Kompleksi Memorial Baza e Parë e UÇK-së” në Lladoc. Në kuadër të shënimit të kësaj dite po zhvillohet edhe aksioni për Dhurimin e Gjakut në sheshin e qytetit.
Kryetari Bulliqi tha se kujtimi për dëshmorët do të jetë gjithmonë i freskët dhe me nderimet më të larta do t’i kutjojmë e nderojmë për veprën heroike dhe sakrificën e jashtëzakonshme që kanë bërë, duke luftuar deri në frymën e fundit për lirinë e Kosovës.
