Deputeti i LVV-së, Eman Rrahmani, në një intervistë dhënë për “Gazeta Blic” ka folur në lidhjen me gjendjen në Veri të vendit.
Rrahmani ka thënë se Qeveria duhet të jetë në koordinim dhe bashkërendim të plotë me SHBA-të për çdo vendim madhor që merret për vendin.
“Mendoj se Qeveria e Kosovës, edhe Kuvendi e të gjithë duhet të jemi në bashkërëndim të plotë me SHBA-të, dhe të gjitha veprimet që duhet t’i marrim me analiza të mirfillta dhe duke i trajtuar si çështje prioritare por që vendimet të arrihen bashkarisht me aleatë siç janë SHBA-të. Besoj që Qeveria e Kosovës do të vazhdojë që këtë çështje dhe sidmos ato që janë probleme të mëdha dhe nacionale do të bëhen në koodinim të plotë me SHBA-të.
I pyetur se a mund të ketë përshkallëzim të sitautës pas datës 21 nëntor, datë kur edhe përfundon afati për targat, Rrahmani u përgjigj kështu.
“Institucionet e Kosovës në bashkëpunim me Bashkësinë Ndërkombëtare, në veçanti me SHBA duhet të japin kontributin që kjo situatë të tejkalohet dhe që vendi të vazhdojë me normalitet dhe stabilitet dhe që kjo arrihet duke bashkëpunuar dhe koordinuar në mënyrë të ngushtë me SHBA-të, me të cilët bashkarisht deri këtu edhe kemi arritur kete situatë ku jemi sot. Edhe njëherë po e them koordinimi, bashkëpunimi dhe planifikimi duhet të bëhet në koordinim të plotë me SHBA-të por edhe vendet e tjera që kanë kontribu . Përveq sakrificës dhe angazhimit të UÇK-së, meritë edhe kontribut është edhe i SHBA-ve dhe të gjitha vendeve të tjera që e ardhmja e vendit të jetë në koordnim të plotë me ata aleat që kemi ardhë deri këtu” deklaroi Rrahmani.
