Një incident i zjarrit ka ndodhur sot në Prishtinë, në afërsi të shkollës “Meto Bajraktari”.
Lajmin për Klankosova.tv e ka konfirmuar zëvendëskomandanti i Brigadës së Zjarrfikësve në Prishtinë Samed Shkodra.
Shkodra deklaroi se në këtë rast nuk ka të lënduar.
“Bëhet fjalë për një banesë në katin e gjashtë. Zjarri ka shpërthyer në kuzhinë. Ekipi i zjarrfikësve është informuar rreth orës 13:06 dhe menjëherë ka dal në vendin e ngjarjes”, deklaroi Shkodra.
ADVERTISEMENT
“Nuk ka të lënduar me këtë rast. Zjarri është fikur tashmë dhe gjithçka është nën kontroll. Banorët veçse ishin dal nga ndërtesa dhe nuk ka pasur nevojë për ndonjë evakuim. Ekipet janë duke u kthyer nga vendi i ngjarjes”, u shpreh ai për Klankosova.tv.
