Në ditën ndërkombëtare të fëmijëve Komuna e Podujevës ka organizuar një mori aktivitetesh për të shënuar këtë ditë kremte për fëmijët. Në dy orare u dha shfaqja “Kësulkuqja” për fëmijët në Teatrin “Avdush Hasani” me pjesëmarrje të mbi 400 fëmijëve.
Në shënim të kësaj dite Drejtoria për Kulturë, Rini dhe Sport ka mbështetur financiarisht organizimin e aktivitetit të profesorit të artit Ardit Lutolli në garën mes nxënësve të shkollave fillore për pikturën më të mirë në sheshin e qytetit.
Krahas kësaj u zhvillua edhe aktiviteti i organizatës Oaktiv “Hapi i Lumturisë”, e ku morën pjesë kryetari Shpejtim Bulliqi, nënkryetarja Marigona Lahu, drejtorët Pajtim Balaj dhe Adelina Stublla, pjesëtarë të Stacionit Policor, OJQ lokale, figura publike, prindër, mësimdhënës e fëmijë.
Me program mjaft të larmishëm kulturor e festiv u përmbyll aktiviteti, ku edhe fëmijët pjesëmarrës u panë shumë të lumtur me ngjarjet që i përjetuan në shënim të ditës së tyre.
Zyra për Marrëdhënie me Publikun dhe Informim
