Nga Lëvizja Vetëvendosje ka ardhur reagimi i parë pas dorëheqjes së Liburn Aliut nga pozita e Ministrit, shkaku i zgjedhjes së Dimal Bashës si Kryeparlamentar.
Zyrtari i lartë i kësaj partie, anëtari i Kryesisë, Arbër Zaimi, ka shprehur poashtu pakënaqësi me zgjedhjen e Bashës, duke e pëlqyer postimin e Aliut, shkruan Reporteri.net.
Aliu, përmes një postimi në Facebook, tha se dorëheqjen e ka dorëzuar sot te Kurti.
“Dorëheqja ime vjen pas zgjedhjes së djeshme të kryetarit te Kuvendit të Republikës së Kosovës”, shkroi Aliu.
Ai tha se zgjedhja e Bashës në krye të institucionit më të lartë, ku vendosen ligjet dhe jep llogari qeveria, “nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua”./Reporteri.net
