Ekateriana Trendafilova, kryetarja e Dhomave të Specializuara, e ka caktuar trupin gjykues në çështjen kundër Hashim Thaçit, Kadri Veselit, Rexhep Selimit dhe Jakup Krasniqit.
Në përbërje të trupit gjykues janë: Charles Smith III, Christoph Barthe, Guenaël Mettraux dhe Fergal Gaynor gjykatës rezervë.
Ndërsa Nikola Giju, gjykatës i Procedurës Paraprake, ka njoftuar kryetaren e Dhomave të Specializuara në Hagë se dosja e çështjes kundër ish-krerëve të UÇK-së do të jetë gati për t’i kaluar trupit gjykues më 15 dhjetor 2022.
Njoftimi është bërë publik në faqen zyrtare të gjykatës.
ADVERTISEMENT
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit lidhur me pretendimin për krime lufte, është konfirmuar më 26 tetor 2020.
