Deputetja nga komuniteti boshnjak, Duda Balje, ka bërë të ditur se në përbërjen e ardhshme të Kuvendit do të jetë pjesë e opozitës, duke theksuar se ky është një vendim përfundimtar dhe nuk pret ndonjë ndryshim.
Balje u shpreh se nuk e sheh veten si faktor kyç për zgjedhjen e kryetarit të Kuvendit apo për formimin e Qeverisë së re.
Ajo potencoi se pret që partia në pushtet, Lëvizja Vetëvendosje, të arrijë t’i sigurojë numrat e nevojshëm edhe pa mbështetjen e saj.
“Tash edhe me qenë unë në opozitë nuk ka me ndryshu asgjë. Unë jam e sigurt që Vetëvendosje ka me gjetë zgjidhje. Ne sot kemi vendosë me shku në opozitë. Ne sot kemi vendosë dhe nuk besoj që ka me ndodhë ndonjë ndryshim”, deklaroi Balje, për emisionin “Kallxo Përnime”.
ADVERTISEMENT
