Dy gra të plagosura rëndë në kokë në Majac, njëra rreth 70 vjeçare – viktima e vrarë ende e paidentifikuar

Zhvillime të rënda janë konfirmuar nga rasti në Majac, ku përveç një viktime që ka humbur jetën, dy gra kanë mbetur të plagosura rëndë.

Sipas informacioneve, të dyja viktimat e plagosura janë të gjinisë femërore dhe kanë pësuar lëndime të rënda në pjesën e kokës, ndërsa njëra prej tyre është rreth 70 vjeçare.

Burimet bëjnë të ditur se të plagosurat dhe e dyshuara i përkasin familjes Gashi, ndërsa viktima që ka ndërruar jetë ende nuk është identifikuar, pasi nuk ka pasur dokumente me vete.

Ekipet emergjente janë duke u përpjekur për stabilizimin e gjendjes së të plagosurve, ndërsa Policia po vazhdon operacionin dhe hetimet për zbardhjen e plotë të kësaj ngjarjeje të rëndë.