Një aksident trafiku ka ndodhur pak më parë në rrugën Podujevë-Prishtinë, saktësisht në fshatin Sibovc.
Në aksident janë përfshirë një kamion dhe një veturë.
Rasti është konfirmuar edhe nga zëdhënësi i Policisë së Kosovës, Daut Hoxha.
Nga ky aksident të lënduar janë dy persona.
“Rreth orës 21:30 në rrugën Podujevë-Prishtinë në Sibovc është raportuar për një aksident me të lënduar. Në këtë aksident janë përfshirë një automjet dhe një kamion. Dy persona raportohet të jenë dërguar për trajtim mjekësor me autoambulancë”, tha ai.
Gjithashtu Hoxha theksoi se njësitet policore janë duke e hetuar shkaktarin e këtij aksidenti, derisa u bëri thirrje drejtuesve të automjeteve që të jenë vigjilentë gjatë vozitjes sidomos gjatë kohës kur ka ndryshime atmosferike, si të reshura.
“Për të shmangur aksidentet rrugore kërkojmë që vozitësit të respektojnë shenjat e trafikut dhe të posedojnë pajisjet dimërore siç e parasheh ligji mbi trafikun rrugor”- theksoi zëdhënësi i Policisë së Kosovës.
