Dy pjesëtarë të policisë të përfshirë te rrahja në Graçanicë

Të shtunën pas mesnate ka ndodhur një rrahje në Graçanicë.

Dy qytetarë janë arrestuar për lëndim trupor ndaj një zyrtari të policisë, i cili në atë moment kishte qenë jashtë detyrës zyrtare.

Në hetimin e rastit është përfshirë edhe Inspektorati i Policisë së Kosovës, kanë konfirmuar për Paparacin nga IPK.

“IPK është duke trajtuar rastin lidhur me dyshimin e prezencës së një zyrtari policor gjatë incidentit (edhe ky jashtë detyrës zyrtare) dhe lidhur me përgjegjësinë eventuale të tij për mosveprim”.

Ndërkaq për rastin ka njoftuar edhe Policia e Kosovës.

“Është raportuar se ka ndodhur një përleshje fizike në të cilën kanë qenë të përfshirë pesë persona të gjithë meshkuj kosovarë të cilët kanë qenë nën ndikim të alkoolit, ku si pasojë njëri nga personat ka pësuar lëndime dhe ka pranuar tretman mjekësor”, thuhet në raportin 24-orësh të policisë./Paparaci