Një person është gjetur pa shenja jete gjatë ditës së sotme në një fshat të Skenderajt, ndërsa policia ka nisur hetimet për sqarimin e rrethanave të rastit.
Sipas njoftimit, i ndjeri ishte afër vendbanimit të tij dhe vdekja iu konfirmua në vendin e ngjarjes, raporton Klankosova.tv
“Menjëherë pas pranimit të njoftimit, njësitë policore kanë dalë në vendin e ngjarjes, ndërsa është njoftuar edhe ekipi emergjent i QKMF-së në Skenderaj. Mjeku kujdestar ka konstatuar vdekjen e personit. Në vendin e ngjarjes kanë dalë edhe njësitë kompetente hetimore, ndërsa hetuesit policorë, me autorizim të prokurorit, kanë nisur hetimet për zbardhjen e plotë të rrethanave të rastit.”
Viktima është 56-vjeçar dhe trupi i pajetë është dërguar në IML për obduksion.
“Pas përfundimit të procedurave hetimore në vendin e ngjarjes, me urdhër të prokurorit, trupi i pajetë i viktimës mashkull, 56 vjeç, është dërguar në Institutin e Mjekësisë Ligjore për obduksion. Sipas rrethanave të konstatuara në vendin e ngjarjes, rasti është iniciuar si “Hetim mbi vdekjen””, thuhet në këtë njoftim të organeve të rendit transmeton Klankosova.tv.
