Motra e shtatzënës e cila u vra mbrëmë pranë objektit të Gjinekologjisë në Prishtinë ka rrëfyer detaje se si e ndjera ishte dhunuar fizikisht vazhdimisht nga i dyshuari për vrasjen e saj, ish-bashkëshorti Sokol Halili, i shpallur tashmë në kërkim.
Ajo thotë se që në muajt e parë të martesës ka nisur dhuna ndaj saj. Pas vendimit për divorc, motra e viktimës thotë se kërcënimet ndaj saj nga i dyshuari janë rritur, shkruan Reporteri.net.
“U kanë e martume tre muj ditë, mas tre muaj dite ka pasë dhunë në familje dhe jemi detyru me shku me nalë. Jemi shku se ka pasë dhunë, e kanë rreh, e kanë maltretu. Krejt trupin e ka pasë mavija. Nuk e kanë lanë me ardhë ma kurrë te baba. Mas ni kohe jemi shku me motra me marrë, nuk e kanë lëshu. Jemi detyru me ardhë te shpia. Edh kur ka ardhë ka ardhë me përcjelljen me vjehrrën e vet.
Napër sokak u sillë. Motra i ka thanë kur të lindë fëmijën ta dorëzoj. Të shtunën kur e kemi çu në spital ka thanë që sot e ka lindjen. Dje fola në telefon, i thamë vijmë nesër. Motra e vogël ka folë në ora 16:00 me të. Në ora gjashtë ka dalë me ni shoqe me ble diçka. Ai e ka vra.
Po ka thanë ka mbrojtje, por në mbrojtje nuk i ka dalë kërkush. Edhe kur ka ardhë këtu ai u sillë nëpër sokak, i ka thanë në qikaq ora ki me dalë. Ajo veç ka qajtë. Në banjo me shku e ka ruajtë vjehrra e vet e burri. Ka pasë dhunë prej vjehrrës pre burrit. I kanë thanë ski çka lypë në shpi të babës, prindt nuk i ki”, ka rrëfyer ajo për mediat.
Sokol Halili ndodhet ende në arrati. Policia e ka shpallur në kërkim gjatë ditës së sotme, duke kërkuar edhe ndihmën e qytetarëve për ta kapur. /Reporteri.net
