Një rast mjaft i rëndë ka ndodhur pasditen e sotme në Ferizaj ku një person dyshohet të ketë kryer vetëvrasje në një objekt banesor i cili ishte në ndërtim e sipër.
I riu që dyshohet ta ketë privuar vetën nga jeta, është i moshës 29 vjeçare.
Lajmin e ka konfirmuar zëdhënësi i Policisë për rajonin e Ferizajt, Kanun Veseli.
“Ju njoftojmë se rreth 13:00 kemi pranuar një informacion se në rrugën “Emin Duraku” në Ferizaj në një objekt banesor në ndërtim e sipër, një person, mashkull i moshës rreth 29 vjeçar, dyshohet se ka bërë vetëvrasje”, tha ai.
Veseli shtoi se vdekjen e viktimës e ka konfirmuar mjekët nga Qendra Emergjente e Ferizajt të cilët kanë dalë në vendin e ngjarjes.
Ai tha se ekipe e Policisë rajonale kanë dalë në vendin e ngjarjes dhe janë duke e hetuar rastin.
Ndërkaq, me vendim të prokurorit kujdestar, trupi i pajetë është dërguar në Institutin e Mjekësisë Ligjore për obduksion.
