Ish-negociatorja për dialog me Serbinë, Edita Tahiri, të mërkurën ka reaguar lidhur me shtimin e forcave të sigurisë nga EULEX-i në veri të Kosovës, përcjell InLajmi.
Tahiri tha se shtimi i prezendës së trupave të EULEX-it në veri shërben për ruajtjen e qetësisë dhe sigurisë, megjithatë rrezikon ta kthejë në mbrojtje të fortifikuar veriun.
Ajo kërkoi nga Qeveria e Kosovës sqarimin se përse është rritur siguria në veri dhe a ka dhënë leje qeveria për këtë gjë.
Ajo tha se qeveria po e dorëzon lehtë sovranitetin e veriut, gjë për të cilën, sipas saj, ka qenë shumë e vështirë për t`u arritur në Bruksel.
Tutje, Tahiri tha se duhet të veprohet me urgjencë për ruajtjen e veriut dhe kthimi i sovranitetit atje.
Postimi i saj i plotë pa ndërhyrje:
“Shtimi i prezences se Eulex-it ne veri i sherben qetesise dhe sigurise, mirepo, kjo rrezikon ta kthej ne protektorat veriun, te cilen e synon Serbia. Qeveria duhet te jap shpjegime si u rrit prezenca e eulexit ne veri, a u kerkua leje nga qeveria, apo ndoshta kjo qeveri kaq lehte dorezon sovranitetin ne veri te cilen e arritem me shume mund permes dialogut te Brukselit. Ne qeverite e kaluara e shtrijme sovranitetin ne veri, vendosem policine shteterore ne veri dhe kufirin verior, vendosem institucionet e drejtesise dhe te tjera, ndersa i shuam strukturat paralele serbe. Eshte urgjente te mbrohet veriu dhe ti rikthehet sovraniteti shtetit te Kosoves ne veri.” /InLajmi/
