Me dhembje të madhe, Ekrem Hyseni ka reaguar pas lajmit për ndarjen nga jeta të mamisë Sanije Topanica, duke e cilësuar si një humbje të madhe për Llapin dhe shëndetësinë në përgjithësi.
“Sanije Topanica, në periudhën më kritike të shëndetësisë, në vitet e ’90-ta, hapi dyert e shtëpisë së saj për të ndihmuar nënat dhe motrat tona, gratë e Llapit dhe Gollakut. Ajo dha një kontribut të jashtëzakonshëm në ditët më të vështira të vendit tonë, duke ndihmuar gratë shtatzëna, veçanërisht gjatë periudhës së luftës,” u shpreh Hyseni.
Ai e vlerësoi Sanije Topanicën jo vetëm si një profesioniste të jashtëzakonshme, por edhe si një simbol të humanizmit të pashoq.
“Familjes Topanica iu shpreh ngushëllimet më të sinqerta,” përfundoi ai, duke e kujtuar figurën e saj me respekt të thellë.
Sanije Topanica do të mbetet përherë në kujtesën e komunitetit si një shembull i përkushtimit dhe solidaritetit në kohët më të vështira.
Postimi i plotë:
Ikja nga kjo botë e mamisë Sanije Topanica është humbje e madhe për Llapin në përgjithësi dhe për shëndetësinë në veçanti.
Në periudhën më kritike të shëndetësisë, në vitet ’90-të, ajo hapi dyert e shtëpisë, duke u dalë në ndihmë nënave e motrave tona, grave të Llapit e Gollakut.
Ajo dha kontribut të jashtëzakonshëm në ditët më të rënda të vendit tonë, duke u dalë në ndihmë grave shtatëzënë, sidomos në periudhën e luftës.
Përveç si një profesioniste e jashtëzakonshme, ajo përherë do të kujtohet edhe për humanizmin e saj.
Familjes Topanica iu shpreh ngushëllimet më të sinqerta!
