Ekskluzive: Kosova bën ekstradimin e një të dyshuari për vepër penale vrasje

Kosovari me inicialet F.B., i arrestuar nga autoritetet polake për vrasje dhe i dënuar me 35 vjet burgim, sapo është ekstraduar në Kosovë.

Me pranga në duar ai ka dalë nga aeroplani që ateroi sot në mëngjes në aeroportin “Adem Jashari” në Prishtinë.

Janë pjesëtarët e njësitit që merret me ekstradime ata që bënë sigurimin e tij nga Polonia deri në Prishtinë.

IndeksOnline ka siguruar pamje ekskluzive gjatë transportimit të tij me aeroplan.

Sipas burimeve të “IndeksOnline” F.B dyshohet se ka kryer vrasje në Poloni dhe është dënuar me 35 vite burg. Dënimin ai do ta vuaj në Kosovë./IndeksOnline/