Për dialogun ndërmjet Kosovës dhe Serbisë, ShBA mendon se çështjet individuale [si targat] të cilat krijojnë tensione të menjëhershme duhet të palosen brenda dialogut të fascilituar nga BE, tha zv/ndihmës sekretari amerikan i shtetit, Gabriel Escobar.
Prandaj, edhe marrëveshjen për targat të arritur në Bruksel, Escobar e quajti “të rëndësishme [vetëm] për uljen e tensioneve”.
Angazhimin amerikan, siç tha Escobar, në këto 18 muajt e fundit, ai e quajti të rëndësishëm “në zgjidhjen e shumë krizave” dhe “parandalimin e dhunës”.
Një gjë “që ka ta ngarë të jetë njëra nga pikënisjet për marrëveshje mes dy palve”, Escobar tha se është “integrimi ekonomik”.
“Shpresoj që [ky frustrim] të jetë i përkohshëm”, tha ai.
“Miqtë tanë në Prishtinë vazhdimisht na thonë se nuk ka vend më pro-amerikan se Kosova. Nuk ka asnjë vend më pro-Kosovës se sa ShBA-ja”.
Escobar ishte i prerë në atë se mbështetja amerikane ndaj të Kosovës s’ka përzgjedhje individuale ose partiake. Ky partneritet, tha ai, “është me popullin e Kosovës”.
Andaj, u shpreh ai, ShBA do të jetë aty për të mbrojtur “sovranitetin, pavarësinë, integritetin territorial dhe sigurinë” e Kosovës.
“Zotimi ynë ndaj Kosovës për sovranitetin dhe pavarësinë e tyre, integritetin territorial të tyre dhe sigurisë është i fortë. Nuk shkon kjo përmes një personi, apo një partie, ky partneritet është me popullin e Kosovës. Dhe ne nuk do t’i braktisim”.
“Kështu që nëse kemi dallime taktike rreth asaj se si ta bëjmë që vendi të shkojë para në rrugën trans-atlantike, njerëzit duhet t’i shohin këto si dallime taktike dhe jo si ndryshim i qëndrimit amerikan ndaj Kosovës”.
Çështja e Asociacionit
Asociacioni i Komunave me shumicë serbe jo vetëm që duhet të bëhet por edhe “do të bëhet”, ka thënë zv/ndihmës sekretari amerikan i shtetit, Gabriel Escobar, në një intervistë për “Atlantic Council”, shkruan gazeta online Reporteri.net.
“Është obligim ligjërisht i detyrueshëm”, tha Escobar. “Popullata prej 70 mijë njerëzish që jetojnë në pjesën veriore të Kosovës është sfida e njëmendtë në qendrën e të gjitha tensioneve, e të gjithë konfliktit, dhe të gjitha konfrontimeve”, tha ai.
Serbët e Kosovës, tha Escobar, “janë qytetarë të dyfishtë”.
“Ata duhet të marrin të gjithë mbrojtjen e institucioneve në Kosovë, por ata gjithashtu duhet të lejohet të marrin pjesë në jetën politike, shoqërore dhe ekonomike të Serbisë”.
“Dhe, po duhet të implementohet, dhe po do të implementohet”, ka thënë Escobar, teksa shtoi se “nëse nuk e zgjidhim këtë çështje do të jemi në një cikël të përhershëm krize”.
Ka modele evropiane për Asociacione që funksionojnë për të dyja palët, u shpreh ai. “Kjo është mundësi. Për atë themi që ata duhet ta shohin këtë sikur të dyja palët të jenë evropiane”.
“Çështja duhet të zgjidhet sa më shpejtë të jetë e mundur. Mendoj se askujt nuk i duhet një konflikt i ngrirë në rajon. Dhe ky është i vetmi konflikt i ngrirë në Evropën qendrore”. /Reporteri.net/
