Mesazhet e para që udhëtarët e aeroplanëve marrin para se të nisen fluturim është që të ndalin telefonët e tyre apo t’i vendosin në modulin “airplane mode”. Por, ky lajmërim duket se do të zhduket.
Komisioni Evropian do të vendos frekuenca specifike për rrjetin e ri 5G që do të lejojë telefonët të mbeten të lidhur derisa pronarët e tyre fluturojnë.
Në praktikë, vendimi do të autorizojë avio-kompanitë që të lejojnë klientët e tyre që të pranojnë dhe të bëjnë thirrje telefonike apo edhe të dërgojnë mesazhe e të përdorin internetin siç do ta bënin po të ishin në tokë.
Shërbimi do të ofrohte duke përdorur një pjesë të pajisjes së rrjetit special të quajtur picocell, që lidh rrjetin e aeroplanit me tokën përmes një sateliti.
“Qielli s’do të jetë më kufiri kur vjen puna te mundësitë e ofruara nga lidhja super-e-shpejtë dhe me kapacitet të larët,” – tha komisioneri Thierry Breton.
Aviokompanitë do ta kenë të mundur që të ofrojnë teknologjinë më të fundit 5G në aeroplanët.
Tash për tash, rregullat u kërkojnë pasagjerëve të fikin telefonët apo të aktivizojnë modulin “airplane mode” para se të nisin udhëtimin. Kjo praktikë është masë e sigurisë për të shmangur interferencën me sistemet elektrike dhe telekomunikative të aeroplanit.
Megjithatë, rrjeti do të funksionojë vetëm në lartësi të vogël dhe në mot të përshtatshëm.
Komisioni Evropian po ashtu ka treguar për inovacione edhe sa i përket transportit rrugor, ku WIFI-të me frekuencë 5GHz që do të mund të punojnë në vetura, autobusë dhe mjete tjera të transportit.
Megjithatë, ka një ‘hile’ në gjithë këtë punë. Shërbimi i internetit në aeroplanë nuk do të jetë pa pagesë. Kompanitë e telefonëve mobilë dhe aviokompanitë me shumë gjasë do të ofrojnë një faturë, meqë rrjeti mund të përfshijë lidhjen në rrjete nga shtete të ndryshme.
