Familjeve shqiptare që u janë ndërtuar shtëpitë e reja në veri u janë dorëzuar çelësat, shkruan Mitrovica SOT
Ministri Liburin Aliu tha se shtëpitë u ndërtuan e u rinovuan në kuadër të një projekti qeveritar me vlerë 1.5 milion euro.
Postimi:
Emocion i veçantë t’i japësh çelësat e shtëpisë dikujt që për më shumë se dy dekada nuk ka mundur të kthehet në pronën e shtëpinë e vet.
Kjo është histori e dhimbshme që i ka ndodhur mijëra familjeve në veri të vendit, një pjesë e madhe të cilëve janë larguar dhunshëm pas përfundimit të luftës.
Sot, patëm kënaqesinë t’u dorëzojmë çelësat e shtëpise familjeve përfituese nga projekti “Ndërtimi dhe Renovimi i Shtëpive në veri”. Ky projekt me vlerë rreth 1.5 milion euro, i ndihmoi 25 familje me 21 rindërtime dhe 4 renovime.
Jemi zotuar para qytetarëve dhe në përputhje me atë zotim deri tani kemi ndërtuar 23 dhe 2 janë në proces të perfundimit, ndërkaq për vitin 2025 do të vazhdohet edhe më tutje në ndërtimin dhe kthimin e të gjithë qytetarëve pa dallim në pronat e shtëpitë e tyre.
Kosova është vend i të gjithë qytetarëve, ku të gjithë duhet të jetojnë të lirë e të papenguar në të drejtën e tyre.
