Fatri Zhitia ka shpallur kandidaturën e tij për anëtar të Asamblesë Komunale në Podujevë, nga radhët e Lëvizjes Vetëvendosje.
Në një deklaratë publike, Zhitia tha se po rikthehet në garë pas katër vitesh, “nga i njëjti vend dhe me të njëjtin numër”, duke theksuar se këtë herë kandidon me më shumë përvojë dhe përgjegjësi.
“Ballëhapur e krenar për atë që përfaqësoj dhe për çka angazhohem në politikë, kërkoj mbështetjen tuaj. Zotohem që si asamblist i Kuvendit do të mbroj interesin publik dhe do të jem zëri i atyre që kanë më së shumti nevojë të dëgjohen,” u shpreh Zhitia.
Ai mban numrin 14 në listën e kandidatëve të Vetëvendosjes për Asamblenë Komunale në Podujevë, ndërsa fushata për zgjedhjet lokale pritet të zhvillohet gjatë javëve të ardhshme.
