Në Gjykatën Themelore të Pejës ka nisur seanca gjyqësore ndaj policit A.K, i cili akuzohet për përfshirje në një aksident trafiku me pasojë vdekjen, që ndodhi në muajin maj në fshatin Qyshk, ku humbi jetën 24-vjeçarja Zana Gjevukaj.
Zëdhënësi i Prokurorisë së Pejës, Shkodran Nikçi, e ka konfirmuar për Sinjalin.
“Rasti është trajtuar me prioritet nga prokurori i shtetit. Janë ndërmarrë veprime të menjëhershme hetimore, përfshirë intervistimin e palëve, mbledhjen e provave dhe realizimin e ekspertizave. Aktakuza është ngritur për veprën penale ‘Rrezikimi i trafikut publik’, sipas nenit 370, paragrafi 9, në lidhje me paragrafin 6 dhe 1 të Kodit Penal të Republikës së Kosovës,” tha Nikçi./Sinjali
ADVERTISEMENT
