Me rastin e Ditës së Flamurit, Floreta Zejnullahu, së bashku me Kosovaren dhe Burimin, vizituan familjen e dëshmorit Elfir Behrami, duke nderuar sakrificën e tij dhe të gjithë dëshmorëve që dhanë jetën për lirinë e Kosovës.
Gjatë vizitës, u shpreh respekt i thellë për prindërit e tij, Bacin Maliq dhe nënën Sadije, të cilët ruajnë me krenari kujtimin dhe vlerat e bijve të rënë për atdhe.
“Ditë si kjo na kujtojnë sakrificat e mëdha që u bënë për lirinë tonë. Dëshmorët si Elfir Behrami janë shembulli më i lartë i atdhedashurisë dhe sakrificës,” tha Zejnullahu, duke shtuar se vlerat e tyre duhet të mbeten të gjalla për brezat që vijnë.
Kjo vizitë simbolike thekson rëndësinë e ruajtjes së kujtesës historike dhe vlerësimit të atyre që dhanë gjithçka për lirinë e Kosovës.
