Pas dështimit të sërishëm të konstituimit të Kuvendit, Donika Gërvalla thotë se koalicioni LVV-Guxo po ofron mundësi për të dalur nga ky bllokim.
Ne alternativat i kemi ofruar në vazhdimësi për të dalur nga kjo bllokadë. Çka ne nuk kemi ofruar kanë qenë pazaret! Nëse përvoja e së kaluarës është që vetëm pazaret çojnë në zhbllokim të kësaj situate, atëherë do të llogarisim që nuk dot ë ketë zhbllokim”, tha ajo përpara mediave.
Gërvalla u shpreh se koalicioni LVV-Guxo nuk është i interesuar të bëjë pazare për të formuar institucionet.
Alternativa kemi ofruar. Kemi ofruar alternativën që të shkojmë me votim të fshehtë. Kemi ofruar alternativën që të ulemi e të diskutojmë, të bëjmë marrëveshje me partitë opozitare. Mirëpo, nga disa prej partive është refuzuar madje edhe biseda.”
Ajo thotë se “nuk mund t’i detyrojnë me zor kryetarët e partive të ulen në tavolinë e as të votojnë”.
Gërvalla përmend rekomandimin e presidentes për të zhbllokuar situatën dhe thotë se duhet vijuar në atë drejtim./IndeksOnline/
