Një ngjarje e rëndë është shënuar dje në fshatin Plemetin të Obiliqit, ku një burrë është gjetur pa shenja jete në një arë.
Burime të Sinjalit bëjnë të ditur se viktima ështëEnver Ibrahimi, 61-vjeçar, i cili u raportua nga familjarët pasditen e së mërkurës.
Në vendin e ngjarjes kanë dalë njësitë policore, ku pranë trupit të pajetë është gjetur një sëpatë, ndërsa në trupin e viktimës janë vërejtur lëndime në parakrahun e majtë dhe në kokë.
Stafi mjekësor i QKMF në Obiliq ka konstatuar vdekjen e tij, ndërsa më pas kanë intervenuar njësitë e hetimeve rajonale, Instituti i Mjekësisë Ligjore dhe Prokurori i Krimeve të Rënda.
Tre familjarë të viktimës janë marrë në pyetje si dëshmitarë, ndërsa me urdhër të prokurorit, trupi është dërguar për obduksion në IML, për të përcaktuar shkaqet e sakta të vdekjes.
Hetimet për rastin janë duke vazhduar.
