Ministri i Bujqësisë, Faton Peci, ka bërë të ditur se është duke përgatitur kallëzime penale për disa figura të LDK-së, përfshirë Lumir Abdixhikun.
Ai u shpreh se si ministër nuk vlerëson kush do t’i fitojë subvencione dhe grante.
”Ministri nuk vlerëson kush ka me fitu subvencione, as kush ka me fitu grante”.
”Ajo që dua të bëjë publike është se këta persona që kanë bërë kallëzim penal ndaj meje, unë bashkë me disa ekspertë ligjorë jemi duke bërë përgatitjen për kallëzime penale për disa akterë të involvuar brenda LDK-së, e unë nuk do t’i kursejë prej atyre që kanë dalë në terren e deri tek kryetari i LDK-së, Lumir Abdixhiku”.
”Nuk e përjashtoj mundësinë deri te Lumir Abdixhiku kom me bo kallëzime penale”, tha ai.
Ai po ashtu foli edhe për grantin prej 100 mijë eurove nga Ministria e Bujqësisë, Pylltarisë dhe Zhvillimit Rural, të cilin e përfitoi edhe vëllai i deputetës së Lëvizjes Vetëvendosje, Fitore Pacollit, e cila njëherësh është kryetare e Komisionit për Bujqësi në Kuvendin e Kosovës, teksa gjatë ditës së djeshme u bë e ditur se në mesin e përfituesve është edhe daja i saj.
Ministri Peci, dha sqarime lidhur këto dyja rastet, duke thënë se nuk ka pasur asnjë ndërhyrje nga ana e tij në asnjë rast tek përcaktimi i përfituesve.
Peci tha se bile ndërhyrja paraqet konsumim të vepres penale.
Kjo është logjika që po ju flet ndërdija, për shkak se në të kaluarën ministri dhe zyrtarët të cilët ata përfitojnë kanë shkuar përmes filtrit të kabinetit të ministrave”, tha Peci në Klan Kosova.
I pari i MBPZHR-së sqaroi edhe dy raste të tjera drejtpërdrejtë në këtë emision, atij të këshilltarit të jashtëm, Naim Huruglicës, dhe një personi tjetër të afërt, Bahtijar Berishës.
