Zhaneta Nura, vajza e gruas e cila u maltretua fizikisht dhe psiqikisht nga një infermiere tash është mirë dhe është qetësuar.
Nura këtë e tha në Debat Plus, tha se me të marrë lajmin për dhunën e ushtruar ndaj nënës së saj, e ka tërhequr atë nga qendra për të moshuar.
Bija e gruas së moshuar e cila është keqtrajtuar fizikisht në një qendër për të moshuar në Pejë, nën emocione ka thënë se është e tronditur nga dhuna e shfaqur ndaj nënës së saj.
Nura u shpreh se para katër dite në vizitën e saj, në qendrën për të moshuar, ka vërejtur shenja dhune në faqen e nënës së saj, por që nuk ka besuar se këtë mund ta kishin bërë punëtorët e qendrës.
Në lidhje me këtë rast Policia e Kosovës, i ka arrestuar tri infermieret të cilat shihen në videon e postuar në rrjete sociale.
