Anëtari i Kryesisë së LDK’së, Muhamet Hamiti, ka kritikuar Kurtin duke thënë se ai e ka gjetur veten “në një rrugë qorre”.
Sipas Hamitit, Kurti s’ka arritur t’i bindë aleatët për mos-themelimin e Asociacionit. Ai shtoi se, në të kundërtën, kryeministri Kurti i ka prishur raportet me ta, shkruan Gazeta Online Reporteri.net.
“Nuk ka arritur t’i bindë aleatët ndërkombëtarë se Asociacioni nuk duhet të themelohet, ai vetëm se i ka prishur raportet me ta”, ka thënë Hamiti në T7.
Në deklaratën e tij, Hamiti tha se Kurti shpesh ngrit standarded por më pas i ulë ato.
“Është rasti i targave ku më pas lëshoi pe”, përmendi Hamiti si një rast prej këtyre.
Hamiti po ashtu ka folur edhe për ish-presidentin Ibrahim Rugova duke thënë se në krahasim me Kurtin, Rugova ka ditur t’i ruajë raportet me miqtë ndërkombëtarë. /Reporteri.net/.
