Kryetari i komunës së Mitrovicës, Bedri Hamza, ka njoftuar për gjendjen me vërshime në këtë komunë.
Hamza tha se një gjendje e tillë nuk është parë më herët në Mitrovicë, dhe se vërshimet kanë shkaktuar dëme materiale milionëshe, shkruan Gazeta Online Reporteri.net.
Mirëpo, e mira e kësaj, sipas edhe Hamzës, është se nuk ka dëme në njerëz.
“Tash e disa ditë qyteti ynë Mitrovica dhe qytetarët tanë janë përballur me vërshimet të cilat kanë shkaktuar një situatë të rëndë e cila nuk mbahet në mend në Mitrovicë… Fatmirësisht, e gjithë kjo situatë ka kaluar pa viktima dhe dëme në njerëz, por duke lënë pas vetes dëme materiale milionëshe, në infrastrukturë, pronë publike, ekonomi familjare dhe biznese”, shkroi ai në Facebook.
Ai njoftoi se është në kontakt të vazhdueshëm me institucione e organizata që po ndihmojnë ta tejkalojnë këtë krizë në Mitrovicë. /Reporteri.net/.
Postimi i plotë:
