Kandidati i PDK’së për kryeministër, Bedri Hamza është shprehur i bindur se do ta udhëheq qeverinë e ardhshme të Kosovës, transmeton gazeta “Kosova Sot Online”.
Hamza është zotuar se pagat dhe pensionet do t’i rris qysh në vitin e parë të qeverisjes së tij.
“Unë nuk e shoh rritjen e buxhetit përmes rritjes se taksave. Rritjen e buxhetore e shoh përmes rritjes ekonomike. Kur të kemi një rritje ekonomike, domethënë përmirësim të standardit të jetesës dhe pagave në sektorin privat, gjithsesi se do të këtë edhe në sektorin publik. Këtë premtim kam me e përmbush në fillim të mandatit. Nëse nuk përmbushet premtimi për rritjen e pagave në fillim të mandatit, sigurisht se nuk me zë viti i dytë në qeveri”, ka thënë Hamza.
Po ashtu, Hamza tha se nëse një gjë e tillë nuk do të ndodhë, ai do të largohet nga Zyra e Kryeministrit.
