U hap eksozita e profesorit Nefi Rexhepi në Galerinë e Arteve
Sot gjatë ditës, Kryetari i Komunës, Shpejtim Bulliqi bashkë me nënkryetaren e komunës, Marigona Lahu, drejtorin e drejtorisë për Kulturë, Rini dhe Sport, Pajtim Balaj dhe disa pjestarë të tjerë komunal kanë vizituar ekspozitën personale të profesorit, Nefi Rexhepi e cila u hap sot në Galerinë e Arteve në Podujevë.
Kryetari Bulliqi tha se “Ishte kënaqësi e veçantë për të parë karikaturat e profesorit që ishin shumë kreative dhe paraqisnin një botë tërësisht tjetër, ku autori përmes punimeve të tij e pasqyron realitetin, e që na bën secilin të reflektojmë në jetën tonë të përditshme për ta ndryshuar atë”.
Karikaturat e profesorit Rexhepi kanë paraqitur dhe reflektuar problemet e shoqërisë, përmes linjave, ngjyrave dhe humorit të tyre.
Kryetari Bulliqi i ftoi të gjithë artdashësit e artit pamor të shohin nga afër punimet e profesorit Nefi Rexhepi, ku ekspozita do të qëndrojë e hapur nga sot, deri të shtunën më (03.06.2023), nga ora 11:00 deri në 16:00.
Zyra për Marrëdhënie me Publikun dhe Informim
