Ish-kryeministri i Kosovës, Ramush Haradinaj, raportohet se ka sharë sërish derisa po largohej nga takimi me kryeministrin Albin Kurti dhe dy udhëheqësit e tjerë të partive opozitare parlamentare (PDK e LDK).
“Nëse vazhdon qishtu, ja q*ve nanën venit dhe vetit” – ishte fjalia që Haradinaj ia ka thënë Kurtit në largim e sipër, sipas burimeve të gazetës Nacionale.
Kurti i kishte thirrur në takim udhëheqësit opozitarë pas konferencës së djeshme për medie, në të cilën pranoi se ekziston plani franko-gjerman dhe të cilin tha se “nuk e kishte refuzuar”, megjithëse kishte vërejtje. Kurti u shpreh edhe se Serbia po provon që ta refuzojë këtë plan, por në mënyrë të maskuar, që të mos dukej se po e refuzonte.
Sado i drejtë që mund të ketë qenë kundërshtimi i Haradinajt, megjithatë, gjuha e tij qe e papranueshme. Sidoqoftë, një gjuhë të ngjashme Haradinaj ka përdorur edhe në të
“Shtyju, shtyju, budallë, idiota,” – e kishte fyer Ramush Haradinaj sigurimin e Kuvendit të Kosovës në vitin 2015.
Ai me forcë kishte në dorë disa dosje ku mbaheshin peticionet e qytetarëve. Në atë kohë, ishte bashkë në një front opozitar me partinë e Albin Kurtit dhe atë të Fatmir Limajt.
“Kjo është një dëshmi që Qeveria e Isa Mustafës është e dëmshme. Isa Mustafa është i dëmshëm për Kosovën, ai nuk ka fuqi as kredit me thanë as PO, as JO. Atë janë duke e tërhequr për kërpeshi” – kishte thënë ndërkohë për ish-kryeministrin Isa Mustafa.
Ai do ta quante ish-kryeministrin edhe si “Isë qeni”. Megjithatë, më pas, raportet mes tyre do të përmirësoheshin.
Ndërkohë Haradinaj e kishte fyer edhe ish-kryetarin e Komisionit për Demarkacionin me Malin e Zi, Murat Mehën. Mehën e kishte quajtur “ped*r” dhe “prevarant ordiner”. Për fyerjen që ia kishte bërë komunitetit LGBTIQ, ai, megjithatë, kishte kërkuar falje.
Ndërkohë, pas ardhjes në pushtet ai i kishte kthyer fyerjen edhe një protestuesi që i kishte thënë “hajn”.
“A ta kam vjedhë nanën a babën?” – kishte bërtitur Haradinaj.
Në anën tjetër, ishte raportuar edhe një fyerje që e kishte bërë në Berlin ndaj kryeministrit të Shqipërisë, Edi Ramës. “A ma han b*len?” kishte qenë fyerja e tij.
