Kryetari i Aleancës për Ardhmërinë e Kosovës, Ramush Haradinaj i ka kërkuar Qeverisë së Kosovës që ta pranojë menjëherë kërkesën e SHBA-së për ta shtyrë edhe për 10 muaj zbatimin e vendimit për zëvendësimin e targave të lëshuara nga Serbia, raporton Ekonomia Online.
Ish-kryeministri ka thënë se me situatën në veri, Serbia me siç ka thënë me ndihmën e Kurtit po synon dështimin e planit franko-gjerman.
Duke folur për planin franko-gjerman, Haradinaj tha se aty në përmbajtje është njohja dhe kësaj marrëveshje, me lëvizje të gabuara, gjithnjë sipas tij, Albin Kurti po ia ndihmon Serbisë t’i shmanget asaj.
“Serbia, sponsorët e saj, satelitët e saj kanë skenare për dështimin e marrëveshjes tani të njohur si plani franko-gjerman që në përmbajtje ka njohjen e Kosovës nga Serbia. Në këtë situatë për fat të keq është kyç dhe po ndihmon kryeministri Albin Kurti”.
“Serbia e sponzorizuesit e saj, skenarë kanë dështimin e marrëveshjes planin franko-gjerman që në thelb e ka njohjen e ndërsjellët, dhe këtë po e ndihmon kryeministri Kurti. Jam betuar për ta thënë të vërtetën në interes nacional”.
“Albin Kurti me demagogë ka vendosur mos ta ndjek rrugën që i ka thënë Amerika dhe duke vazhduar me mendimin e tij për targa. Serbia ka arritur sot me e lënë Kosovën pa përfaqësim në veri. Çka kërkon BE-ja prej neve është se Kosovës po i kërkohet Asociacioni”.
Sipas tij, në tetor në Prishtinë dhe në Beograd kishte mbërritur propozim marrëveshja, që siç thotë ai, e përmbante edhe njohjen reciproke Kosovë-Serbi.
“Amerika duke e ditë qëllimin e Serbisë për dështimin e dialogut, i ka kërkuar Kosovës që ta shtyjë vendimin për targat”, tha Haradinaj.
“Albin Kurti ka vendos mos me e dëgju Amerikën por me shku në një rrugë që është e paqartë se e kujt është”, theksoi ish-kryeministri.
Haradinaj tha se “Kurti dhe Qeveria e tij e kanë kthy procesin nga marrëveshja që në përmbajtje e kishte njohjen, në dialogun për kthimin e serbëve në institucione dhe Asociacionin”.
“Qytetarë të Kosovës, vlerësojeni vetë i kujt është Albin Kurti dhe për kë punon. Unë e kam për detyrë me ua thënë të vërtetën çdoherë”, tha Haradinaj.
“Ikja prej Amerikës është shkuarje në Moskë. S’ke ku shkon tjetër, vetëm në Moskë”, tha mes tjerash Ramush Haradinaj.
