Ramush Haradinaj deklaroi se është në komunikim të vazhdueshëm me kryetarët e partive opozitare, duke përfshirë Lumir Abdixhikun, për të diskutuar rreth situatës politike dhe ngërçit në Kuvend.
Ndonëse ekzistojnë dallime në qëndrime me LDK-në, ai u shpreh se nuk është mirë të mbyllen dyert për dialog.
Haradinaj tha se AAK-ja mbetet e përkushtuar ndaj qëndrimit për të ndihmuar krijimin e një “qeverie të opozitës” si opsion për tejkalimin e krizës. Megjithatë, ai shtoi se nëse nuk ka një ofertë të qartë, atëherë zgjedhjet do të ishin zgjidhja më e mirë.
Vazhdimisht diskutojmë me Abdixhikun për zhvillimet në Kuvend, për ngërçin politik. Ja shpjegova se është ide e mirë me pas konsulta. I kemi disa dallime me këtë qëndrim, por nuk është mirë me I mbyllë dyert. Mbesim me qëndrimin që Aleanca ta ndihmojë qeverinë e opozitës, ky është opsioni ynë”, tha Haradianj.
Ai ka thënë se vendi dhe qytetarët po përballen me shumë probleme dhe andaj është me rëndësi të tejkalohet ngërçi.
“Nëse oferta është kështu, ma mirë të shkojmë në zgjedhje. Komunikojmë edhe me Memlin, me të gjitha partitë”, u shpreh Haradinaj. /eo
