Deputeti i Kuvendit të Kosovës nga radhët e Partia Guxo, Haxhi Avdyli, është lajmëruar mbëmjen e djeshme, duke njoftuar se ish-shoferi i Avullad Hotit, Bislim Morina,i cili sipas tij i shërbeu gjatë kohës sa ky i fundit ishte ministës, e ka kërcënuar përmes rrjeteve sociale, raporton GazetaDemos.
Sipas Avdylit, e gjithë ngjarja vjen nga fryma e krijuar dje gjatë ditës në sheshin e Prishtinës, ku deputeti i LDK-së, Armend Zemaj e goditi një qytetar pas ofendimeve ndaj të njëjtit.
Avdyli tha se kërcënimi ka përmbajtjen e paralajmërimit të dhunës së njëjtë, teksa publikoi edhe bisedën me të, në të cilën shihet se shkruan “A, Haxhi qamik, kur i rras hundët gjithkund, kështu të gjenë”.
“Sapo më shkroi në mesazhe private e më kercënoi pa nevojë, ish shoferi i ish ministrit Avdullah Hoti, aktualisht deputet i Kuvendit të Kosovës. I trimëruar nga dhuna në shesh, më paralajmëron që nëse un i futi hundët gjithkah do më gjen njëjti fat. 
Bislim Morina, është poashtu vendas dhe shumë i afërt i Avdullahut, edhe sot”, tha ai.
Avdyli gjithashtu i bëri thirrje organeve të rendit ta verifikojnë nëse ky kërcënim i erdhi me apo pa aprovimin e Avdullah Hotit
“Prandaj organet e rendit duhet ta verifikojnë ndër tjera, nëse ky mesazh privat kercenues është bërë me apo pa aprovimin e Avdullah Hotit”, tha ai.
