Deputetja e LVV-së, Albulena Haxhiu, e cila po kundërshtohet më të madhe nga opozita pasi u propozua për kryetare të parlamentit, thotë se nuk po e kupton se përse s’po marrin pjesë në votim.
Ata nuk po marrin pjesë në votim përkundër faktit që aktgjykimi i Kushtetueses e thekson mirë që deputetët prezent në sallë duhet të marrin pjesë në votim me votë, qoftë vota e tyre për, kundër ose abstenim”, u shpreh Haxhiu.
Ajo thotë se nuk e kupton as përse nuk dëshirojnë të bëjnë votim të fshehtë, që sipas saj është “demokratik”, shkruan IndeksOnline.
Sa i përket qëndrimit të LDK-së, pas letrës që çuan drejt kryetarit të LVV-së, Albin Kurtit, mendoj se është e papranueshme që të injorohet vullneti i qytetarëve të Republikës së Kosovës. Ne s’i kemi pasur zgjedhjet para 2-3 viteve, por para 3 muajve. Ka një tendencë të hapur që vullneti i popullit të mohohet. Kryetari i LVV-së është më i votuari në zgjedhjet e 9 shkurtit dhe kushdo që tenton të injorojë këtë vullnet e ka gabim”, u shpreh Haxhiu.
