Nënkryetari i Lidhjes Demokratike të Kosovës (LDK), Lutfi Haziri, ka komentuar letrën e fundit të kryeministrit Albin Kurti dhe qëndrimin e LDK-së ndaj saj, duke theksuar rolin që ka luajtur kjo parti në zhvillimet politike në vend, raporton Gazeta Sinjali.
Sipas Hazirit, LDK është e hapur për bashkëpunim dhe mbetet një adresë e kërkuar nga partitë e tjera politike për formim të koalicioneve.
Letra ka dashuri edhe urrejtje, ka mujtë me kalu pa e përmend, pa i nënvizu episodet e caktuara, LDK ka hy në koalicione. Ne kemi bashkëpunu me të gjithë dhe të gjithë kanë punu me ne. Për dallim prej nesh, të gjithë kërkojnë më bashkëpunu me ne. Të gjitha që kanë pasë përvojë bashkëpunimi, kërkojnë prap. Ne si duket e kemi për rol politik me shkaktu procese”, tha ai për Klan Kosovën.
Haziri foli edhe për gjuhën e përdorur nga kryeministri gjatë fushatës, duke e cilësuar si agresive dhe linçuese.
Gjuha ka qenë e ashpër, fushata ka qenë shumë negative, është cilësu edhe targetu edhe lideri edhe subjekti politik. Ne jemi kujdes, kemi qenë superpozitiv nuk kemi përdor gjuhë të tillë. Jemi në një situatë ku nuk shlyhet shumë lehtë krejt kjo që është kriju”, shtoi tutje.
