Deputeti i Kuvendit të Kosovës, Avdullah Hoti, ka thënë se me rritjen e importit “Serbia kthehet si partner kreyesor tregtar i Kosovës në rajon”, dhe ia “kujtoi” Kurtit kohën kur rrotullonte kamionët me mallra nga Serbia .
Ai tha se në periudhën janar-tetor të këtij viti, krahasuar me periudhën e njëjtë në vitin 2021, janë importuar 850 milionë euro më shumë mallra nga jashtë, derisa shton se eksportet janë rritur për 154 milionë euro.
Për këtë shkak, sipas Hotit, deficiti tregtar është thelluar dhe ka arritur në minus 3.9 miliardë euro, që sipas tij “e vë në dyshim rritjen ekonomike, të prodhimit vendor dhe të punësimit në Kosovë.
ADVERTISEMENT
Ish-kryeministri thotë se importet me të gjitha vendet janë ulur, përveç më Serbinë.
