Hovenier rikujton ditën kur ShBA njohën Kosovën: Jemi krenar për demokracinë që e ka arritur populli i Kosovës

Ambasadori i Shteteve të Bashkuara të Amerikës në Prishtinë, Jeff Hovenier ka rikujtuar sot datën kur Shtetet e Bashkuara të Amerikës kishin marrë vendim për ta njohur zyrtarisht Kosovën si shtet të pavarur dhe sovran.

Hovenier ka thënë se pas 15 vjetësh, SHBA është krenare për mbështetjen që i ka dhënë Kosovës dhe gjithashtu për nivelin e demokracisë që ka arritur populli i Kosovës.

“NëKëtëDitë të vitit 2008, Shtetet e Bashkuara e njohën zyrtarisht Kosovën. 15 vjet më vonë, ne jemi krenarë për mbështetjen tonë dhe të frymëzuar nga demokracia e gjallë dhe e lulëzuar që ka arritur populli i Kosovës”, ka shkruar Hovenier.