Edhe një herë Komuna e Podujevës vlerësohet dobët nga Auditori: Parregullësi e keqpërdorime të mëdha
Raportori i Auditorit të Përgjithshëm për komunën e Podujevës për vitin 2023, është raport i kualifikuar.
Të tillë e ka bërë pikërisht kjo keqqeverisje, e cila përsëritë shkeljet e njëjta, gabimet e njëjta, sepse qëllimi i saj mbetet i njëjtë keqpërdorimi dhe zhvatja. Ky raport pra, dëshmon se gjithçka tjetër ka ndryshuar, por asgjë sa i përket keqqeverisjes, abuzimit, hajnisë dhe korrupsionit. Në këto pika, Bulliqi dhe qeverisja e tij mbetet besnike dhe konsistente.
Ky raport sërish nxjerr në pah një varg parregullësish e keqpërdorimesh, për të cilat si LDK kemi ngritur zërin vazhdimisht.
Disa nga të gjeturat skandaloze të tij, janë pikërisht investimet e mëdha kapitale pa projekt ekzistues, për më keq edhe nënshkrim i kontratave pa projekt ekzistues.
Gjithashtu, skandal i përsëritur i kësaj keqqeverisjeje janë edhe pagesat nga kode joadekuate, të cilat janë në kundërshtim me ligjin për menaxhimin e financave dhe pa marrë aprovimin nga Kuvendi Komunal.
Pagesa në kundërshtim me ligjin per menaxhimin e finacave si dhe vonesa në realizimin e pagesave, përkundër suficitit të madh, mbi 3 milion euro, pagesa që janë vonuar deri në 4 muaj.
E gjetur tjetër është regjistrimi i pasurisë së komunës, të cilën nuk kanë ditur ta bëjnë, e si rrjedhojë kanë pasuar gabime milionshe në regjistrimin e pasurive të komunës.
Pa shkuar tutje, mjaftojnë këto të gjetura në mesin e shumë tjerave që përmenden në Raport, të cilat nxjerrin në pah një mal shkeljesh e keqpërdorimesh.
Ky Raport sikurse edhe ai i vitit të kaluar nxjerrin në pah fytyrën e vërtetë të kësaj keqqeverisjeje, manipulimet, keqpërdorimet e zhvatjet që Bulliqi me ekipën e tij i kanë bërë.
Si LDK, kemi ngritur zërin vazhdimisht dhe do vazhdojmë ta ngrisim kundër çdo parregullsie, keqmenaxhimi e korrupsioni.
Në ditët në vijim, do të dalim me detajet tjera të Raportit, në mënyrë që secili ta kuptojë se cila është gjendja faktike e keqpërdorimit dhe e keqmenaxhimit të parasë së qytetarëve.
