Ish-ushtari i UÇK-së, Enver Glloboderi nga Podujeva, ka rrëfyer historinë e takimit me Hami Zejnullahun, bashkëluftëtarin e ri që më 26 shtator të këtij viti, bëri vetëvrasje në varrezat e dëshmorëve.
Glloboderi ka ndarë detaje për pjesën tjetër të historisë pas largimit nga Italia.
Për shokun e luftës, ish-ushtari tregon për vullnetin e madh që e kishte për të mbrojtur vendin saqë hezitonte që të mbante pozita ku do të duhej të qëndronte brenda.
Pas përfundimit të luftës, Glloboderi dhe Zejnullahu punuan shkurtimisht, por mandej u pensionuan shkaku i problemeve shëndetësore.
Për vdekjen e Hamdi Zejnullahu, shoku i tij Enveri fajin ua lë traumave të luftës dhe mos-ndihmës së shtetit karshi kësaj kategorie të dalë nga lufta.
E sa zemërgjerë dhe atdhedashës ishte bashkëluftëtari i tij, Glloboderi nuk heziton të krenohet me punën e shokut të tij që për 27 vjet ndanë çdo hall së bashku
