Siguria publike në Kosovë konsiderohet se po cenohet nga krime të natyrave të ndryshme, e sidomos nga vjedhjet. Shtëpitë, bizneset e ndryshme në Kosovë dhe hapësirat tjera publike janë shumë shpesh cak i hajnave, të cilët herë vetëm e herë në grup arrijnë të kryejnë vjedhje, raporton Gazeta Sinjali.
Një rast i tillë është raportuar mëngjesin e sotëm, në fshatin Letanc të Podujevës, ku një i mitur është arrestuar pasi dyshohet se ka kryer disa vjedhje në kohë të ndryshme.
Sipas burimeve të Sinjalit, ankuesi F. A ka deklaruar para policisë se gjatë javës së fundit i janë vjedhur rreth 70 euro, ndërsa një javë më herët edhe 90 euro të tjera.
Në lidhje me rastin është intervistuar i dyshuari – një djalë i mitur me inicialet B.A., rreth 16-vjeçar, i cili gjatë deklarimit në prezencën e avokatit mbrojtës dhe përfaqësueses së Qendrës për Punë Sociale, ka pranuar kryerjen e veprës.
Lidhur me rastin është njoftuar edhe Prokurori kujdestar për të mitur, me ç’rast ndaj tijështë urdhëruar ndalimi për 24 orë dhe inicimi i rastit si “Vjedhje”.
Hetimet për rastin po vazhdojnë nga njësitë përkatëse policore.
