Kryetari i Kuvendit, Glauk Konjufca, e ka cilësuar si të paqëllimshme moskordinimin e Qeverisë me presidenten Vjosa Osmani, rreth letrës që Ministrja e Punëve të Jashtme, Donika Gërvalla, kishte dërguar në Këshillin e Evropës se do ta dërgojnë në fund të majit një draft-statut për Asociacionin në Kushtetuese.
Sipas Konjufcës arsye e moskoordinimit ka qenë fakti se Presidentja e vendit ka qenë jashtë vendit.
“Kuvendi, Presidenca, unë e kam kuptuar këtë si një pamundësi që të njoftohet presidentja për çdo hollësi nga ana e Ministrisë së Jashtme, e kjo mua kam hamendësua që ka mundur me ndodh për shkak të vizitës që ajo e kishte në ShBA e për shkak të largësisë me siguri. Jo çdo hollësi e cila ndryshonte çdo minutë, në ditën e votimit të Këshillit të Ministrave për Këshill të Evropës mund të ndahet dhe koordinohet, pra unë nuk shoh mosvullnet nga ana e Qeverisë dhe Ministrisë së Punëve të Jashtme që të bëjë diçka të qëllimshme kundër Presidentes. Ka qenë thjesht teknikisht një largësi e madhe gjë që ka pamundësi që ndryshimet çdo minutë që i ka bërë Qeveria e Kosovës, të arrijnë të krijojnë atmosferën që Kosova të hynte në agjendë, nuk ka mundur t’i ndajë të gjitha me Presidencën dhe Presidenca e ka pas reagimin e saj. E keni parë e ky reagim vjen me siguri si pasojë e asaj që ata kanë menduar që çdo hollësi do duhej të ishte ndarë” ka deklaruar Konjufca.
Në lidhje me deklaratën e Konjufcës ka ardhur një reagim i shpejtë nga e Presidentja, Vjosa Osmani
K
ëtë deklaratë të Konjufcës, e para e shtetit e ka quajtur qesharake, duke thënë se në kohën moderne ekzistojnë mundësitë e shumta të komunikimit siç është telefoni.
Në lidhje me këto replika dhe situatën e krijuar qeveri-Presidencë, ka folur për “Gazeta Blic”,drejtori ekzekutiv i ‘Demokracia Fillon Këtu’, Shemsi Jashari
Jashari tha se deklarata e sotme e presidentes Osmani shpërfaq në mënyrë të hapur mospajtimet dhe moskoordinimin mes Presidencës dhe Qeverisë.
“Deklarata e sotme e Presidentes së vendit për arsyetimin e Kyetarit të Kuvendit zotit Konjufca, se arsye e moskordinimit me Presidencën për Letrën dërguar në Këshillin e Evropës nga zv/Kryeministrja dhe Ministre e Jashtme znj.Gërvalla, ka qenë largësia pasi Presidentja ishte jashtë vendit, shpërfaqë në menyrën më të hapur mospajtimet dhe moskordinimin e Presidencës dhe Qeverisë në të gjitha fushat si në atë të brendshme të sigurisë, po ashtu edhe në atë të jashtme, kordinimi me aleatët dhe stagnimi në proceset integruese . Ky moskordinim ka kohë që është prezent dhe rasti i fundit ishte vetëm pretekst për të dal në publik.Presidentja sot tregoi se dështimet në politikën e jashtme nuk janë rastësi dhe se fajtor kryesorë janë akterët politik vendor Qeveri, Kuvend dhe Presidencë”
Ai
tutje potencoi se kjo deklaratë e Presidentes ishte një goditje direkte për Ministren e Punëve të Jashmte, Donika Gërvalla.
“Duket se me afrimin afër zgjedhjeve Vjosa Osmani ka kuptuar se është e vetme dhe se është duke u diskutuar pozicioni i saj si Presidente pas përfundimit të mandatit. Deputet e ‘Listës Guxo’ tashmë kanë marrë anë dhe janë të kontrolluar nga zoti Kurti i cili nuk duket se ka shkelur marrëveshjen e arritur me zonjën Osmani para zgjedhjeve të fundit për partneritet”
“Deklarata e sotme e Vjosa Osmanit ishte një goditje direkte për zonjën Gërvalla dhe shpërfaqur se nuk kanë komunikim fare mes vete dhe kjo në fakt përbën një shqetësim të madh që akterët kryesorë nuk kanë kordinim për politiken e jashtme dhe në këtë mënyrë dëmtojnë rëndë interesin e vendit.Kjo dhe shumë dështime të ngjashme si dhe gafa diplomatike nga zonja Gervalla, janë arsye e mjaftueshme që kjo qeveri të shkarkohet dhe vendi të shkoj në zgjedhje sa më parë e mundur”
Jashari tha se fajtorët kryesorë për këtë gjendje të krijuar janë Albin Kurti dhe Vjosa Osmani.
Përgjegjësia kryesore për këtë gjendje që jemi është e z otit Kurti dhe zonjës Osmani, që interesin e vendit e kanë futur në kalkulime politike të brendshme” deklaroi Shemsi Jashari në një intervistë dhënë për “Gazeta Blic”.
