Drejtori ekzekutiv i OJQ-se Demokracia Fillon Këtu Shemsi Jashari ka thene se Lëvizja Vetëvendosje ka treguar aftësi të jashtëzakonshme në propagandë. Një shembull i fundit është njoftimi nga Komuna e Podujevës për një takim me Zyrën e Inspektorit të Përgjithshëm, që duket si një përpjekje për t’u përmirësuar në inspektimet e ndërtimit.
Megjithatë, realiteti është shqetësues: Komuna nuk ka ASNJË inspektor aktiv për ndërtimet. Kjo do të thotë se, ndonëse janë miratuar leje për qindra mijëra metra katrorë ndërtim, nuk ka mbikëqyrje për të garantuar standardet e nevojshme.
Kritika ndaj qeverisjes së Vetëvendosjes thekson se përkushtimi për transparencë dhe rregullore është vetëm një fasadë. Kryetari Shpejtim Bulliqi duhet të sqarojë këtë situatë dhe të ofrojë një plan konkret për mbikëqyrjen e ndërtimit. Pa inspektorë, qytetarët nuk mund të ndihen të sigurt.
Në fund, Lëvizja Vetëvendosje vazhdon të jetë e shkëlqyer në propagandë, por realiteti i qeverisjes së tyre është larg premtimeve.
Postimi i tij i plote:
Lëvizja Vetëvendosje duket se është e aftë për të kryer një punë jashtëzakonisht mirë: Propagandën.
Një shembull i freskët është ky:
Komuna e Podujevës njoftoi për një takim me përfaqësues të Zyrës së Inspektorit të Përgjithshëm për të diskutuar tema që lidhen me inspektimet në fusha të ndryshme, përfshirë ndërtimin. Në pamje të parë, kjo duket si një iniciativë e mirë, një përpjekje për t’u përmirësuar dhe për të sjellë rregull në fushën e inspektimeve.
Mirëpo, pas kësaj dukje të jashtme, realiteti është ndryshe.
Problemi themelor është se Komuna e Podujevës nuk ka ASNJË inspektor aktiv për fushën e ndërtimeve! Pra, kur janë dhënë leje për qindra mijëra metra katrorë ndërtim, nuk ka asnjë mbikëqyrje të duhur për t’u siguruar që këto ndërtime të përmbushin standardet e nevojshme. Kjo është shqetësuese për sigurinë e qytetarëve dhe kualitetin e ndërtimeve.
Në vend që kjo situatë të adresohet hapur dhe të trajtohet me seriozitet, qeverisja lokale, e udhëhequr nga Vetëvendosje, zgjedh të përqendrohet në propagandë.
Ata bëjnë takime dhe reklama për përfaqësues nga Zyra e Inspektorit të Përgjithshëm, por nuk përmendin faktin se komuna nuk ka asnjë inspektor në detyrë për ndërtimet.
Ky mungesë kontrolli dhe transparence ngre pyetje të mëdha për përkushtimin e tyre ndaj rregulloreve dhe standardeve që kanë premtuar të zbatojnë.
Pse po ndodh kjo? A është kjo mungesë inspektorësh qëllim i vetë kryetarit Shpejtim Bulliqi? Këtë vetëm ai e di, por edhe qytetarët po e kuptojnë që pa inspektorë është e pamundur të bëhet një punë e mirë në këtë fushë.
Lëvizja Vetëvendosje vazhdon të tregojë se kur vjen puna te propaganda, ata janë të shkëlqyer – por realiteti i qeverisjes së tyre është larg asaj që premtojnë.
