ADVERTISEMENT
Deputetja e Lidhjes Demokratike të Kosovës, Jehona Lushaku – Sadriu, ka reaguar ashpër ndaj vendimit për rritjen e çmimit të energjisë elektrike për prodhuesit vendorë, duke e konsideruar atë si një sulm të drejtpërdrejtë ndaj ekonomisë së Kosovës.
Ajo deklaroi se, që nga sot, me bekimin e Kryeministrit Albin Kurti, hyn në fuqi shtrenjtimi i energjisë elektrike për sektorin prodhues.
Sipas saj, kjo është dëshmi se Qeveria në ikje ka kthyer moton e dikurshme të Kurtit “Bleje tënden” në “Godite tënden”.
Kjo është një goditje e drejtpërdrejtë ndaj ekonomisë vendore, që prek çdo produkt që blejmë, çdo tryezë familjare, çdo xhep të qytetarëve”, shkroi ndër të tjera Lushaku – Sadriu.
Ajo paralajmëroi pasoja serioze për shtetin pas këtij vendimi, duke përmendur një varg “goditjesh” që do të ndihen si rezultat i rritjes së çmimeve për çdo gjë që prodhohet në Kosovë.
