Gazetari Vehbi Kajtazi ka folur për çështjen e dialogut Kosovë-Serbi dhe për situatën e krijuar në veri, pas vendimit të Qeverisë Kurti rreth targave ilegale atje.
Në studion ku është i ftuar edhe kreu i Nismës Socialdemokrate, Kajtazi i tha ish-ministrit të Transportit se në kohën kur ishte në pushtet, krimineli Millan Radoiçiq, ishte pritur në zyrën e kryeministrit të Kosovës.
Në anën tjetër, ai shtoi se Qeveria Kurti përmes Policisë së Kosovë ka lëshuar urdhër-arrest për kapjen e tij, raporton Paparaci.
“Qeveria Kurti ka zgjedhur një tjetër qasje. Ka qenë një kohë kur veriu është ndarë prej institucione në veri dhe bandave atje. Veriu është menaxhuar nga Radojçiqi dhe të tjerët, kurse ju e keni pritur nëpër zyrë, keni hëngër darkë me të, e keni shkuar nëpër jahte me këta njerëz. Qeveria Kurti ka zgjedhur me lëshu urdhër-arrest për të dhe me ndjek prej këtu. Shumë lehtë është me kritiku kryeministrin Kurti, por çfarë doni me i thënë mos e zbato ligjin?”, shtoi Kajtazi në Klan Kosova.
“Gjendja është shumë e rëndë dhe keqe. A doni t’i thoni ndalu se po na prishë me ndërkombëtarët? Kështu është interpretimi i parë, tjetër janë pastaj konsekuencat politike në rast të zbatimit të saj. A po kishit vazhdu edhe ju me nda pushtetin me Radoiçiqin edhe me menaxhu atë pjesë atje se qysh është menaxhuar deri tash”.
