Imami i Xhamisë në Fashtin Bellopojë, në komunën e Podujevës, pas shumë kërcënimeve që i ka pasur më parë për vendosjen e flamurti të Shqipërisë me 28 nëntor në minaren e xhamisë në këtë fshat, ai kësaj here ka pranur kërcënim serioz më vrasjen e tij në rrjetin e tij social në Instagram.
Imami, Kujtim Hyseni, ka thënë për Kosovalive se për këtë rast tashmë është njoftuar edhe Policia e Kosovës, ndërsa lajmin e ka konfirmuar edhe pët Tv Llapi.
“Po jam kërcënuar me vrasje, tashmë mund të them se nga kjo ngjarje janë të njoftuar edhe Policia e Kosovës, dhe janë dukë zhvilluar hetimet e nevojshme”, ka thënë imami i kësaj xhamie.
Ai ndër të tjera ka shtuar se edhe pse është imam, e kundërshton ekstremizim e tepërt islamik.
“Unë qysh në fillimet e mia si imami më i ri i Komunës së Podujevës, në fshatin Bellopojë kam kundërshtuar ekstremizimin e tepërt islamik. Qëndrimet e mija janë edhe kombëtare pasi që mua qysh në fillim nuk më kanë pranuar të jem imam. Para se të jetë feja duhet ta duam kombin”, është shprehur ai.
Imami Hyseni për Kosovalive.net, u shpreh i brengosur se ende grupe të radikalizuara po veprojnë në Kosovë dhe nuk kanë rreshtur së punuari në zhvillimin e ekstremizmit fetar./Kosovalive.net/
