LVV dhe PDK kanë arritur marrëveshje për bashkëqeverisje në Komunën e Podujevës. Në kuadër të këtij koalicioni, PDK do të udhëheqë me dy drejtori komunale.
Behram Latifi dhe Florim Statovci janë emëruar drejtorë nga radhët e PDK-së në Podujevë.
Siç dihet, më 29 dhjetor 2025, Kryesues i Kuvendit Komunal të Podujevës është zgjedhur Isak Shabani, njëherit edhe Kryetar i Degës së PDK-së në Podujevë.
ADVERTISEMENT
Sipas burimeve të afërta me PDK-në, të cilat i ka mësuar TV Llapi, në mbledhjen e mbajtur më 05.01.2026, Kryesia e Degës së PDK-së në Podujevë, përmes votimit, ka marrë vendim që Behram Latifi të emërohet Drejtor i Drejtorisë së Bujqësisë dhe Zhvillimit Rural, ndërsa Florim Statovci të emërohet Drejtor i Administratës Komunale./Tv Llapi
