Krimi makabër ndaj një gruaje në javën e fundit të shtatzënisë e cila dyshohet se u vra nga burri me te cilin ishte e martuar, ka tronditur mbarë vendin. Sinjali ka raportuar me detaje lidhur me rastin, teksa ka zbuluar edhe identitetin e të dyshuarit për këtë vrasje të rëndë.
Burimet e Sinjalit thonë se Sokol Halili dyshohet se me armë zjarri ka shtënë ndaj ish-bashkëshortes së tij, Hamide Magashin, (35-vjeçare) para Klinikës Gjinekologjike Obstetrike në QKUK, duke e lënë atë të vdekur në vend.
Sinjali ka mësuar se i dyshuari për këtë rast është Sokol Halili, 31-vjeçar i cili dyshohet se e ka qëlluar ish-bashkëshorten Hamide Magashin, 35-vjeçare, nga fshati Llugagji i Lipjanit dhe më pas ka ikur.
Halili menjëherë pas kryerjes së veprës është larguar me veturën e tij nga vendi i ngjarjes. Sipas sinjalizuesve që ndodhen në vendin e ngjarjes, 31-vjeçari është larguar me veteun Opel Astra me targa 05-450-BC.
E ndjera ishte në javën e 41-të të shtatzënisë, por ajo u privua nga jeta para dyerve të klinikës.
